वेल्जियम । गैरआवासीय नेपाली संघ राष्ट्रिय समन्वय समिति बेल्जियमको जुलाई २५ तारिख भएको निर्वाचन प्रक्रियामा सात वटा बुथमा भएको मतदान मध्ये एन्टर्पेन बुथमा मतदानको अन्तिम समयमा आएर झगडा भएको छ | आगामी कार्यकाल २०२१–२३ का लागि नेतृत्व चयन गर्न हुन लागेको चुनावी प्रक्रियाका क्रममा अपरिचित व्यक्तिहरु प्रवेश गरि अवस्था असामान्य बनाउदै एक्कासि कुटाकुटको अवस्था सिर्जना भएको थियो । प्राप्त सुचना अनुसार एनआरएनए बेल्जियमको निर्वाचन सातै क्षेत्रमा शान्तिपूर्ण रुपमा भइरहेको थियो । निर्वाचनको समय सकिनै लाग्दा ४:४५ मा ४–५ जना बिदेशी मुलका ब्यक्तिहरु अकस्मात एन्टर्पेन हलभित्र प्रबेश गरी मतपेटिका तान्ने, फुटाउने गरेका थिए ।
सो हलमा मतपेटिका तोडफोड गर्न लागेपछि सुरक्षाकर्मी, निर्वाचन आयुक्त र महिलाहरुले प्रतिरोध गरेका थिए ।
झडपको क्रममा कोषाध्यक्षका उम्मेदवार लोकेन्द्र नेपाल र एनआरएनए बेल्जियमकी पूर्वउपाध्यक्ष सारदा अर्याल, क्षेत्री समाज बेल्जियमकी अध्यक्ष मुना केसीमाथि कुर्सी प्रहार गरी सख्त घाइते भएका छन् | निर्वाचन समितिले एक बिज्ञप्ति प्रकाशित गर्दै हलमा प्राप्त भिडियोको आधारमा केही व्यक्तिलाई कानुनी कार्बाहीको लागि बेल्जियम प्रहरीमा जानकारी गराइ सकिएको जानकारी दिएको छ | निर्वाचन समितिले भनेको छ, ‘निर्वाचनको सम्पूर्ण प्रक्रिया सकिएर ६ वटा क्षेत्रको मतपेटिका निर्वाचनको कार्यालयमा प्राप्त भएको र एन्टर्पेन क्षेत्रको पनि जे जस्तो थियो, त्यही अवस्थामा मुचुल्का तयार गरी राखी अब के गर्ने भन्ने सम्बन्धमा छलफलको लागि निर्वाचन समितिले तिनैजना उमेदवारलाई सरसल्लाहको लागि बोलाउँदा खड्क केसी र अनुजा प्रधान दुईजना उपस्थित भएकोमा उहाँहरु सबै निर्वाचन क्षेत्रीय संयोजक निर्वाचन अनुगमन प्रतिनिधिको रोहबरमा मतपेटिका सुरक्षित ठाउँमा तालाबन्दी गरी राखिएको जानकारी पनि गराउन चाहान्छौं ।’
त्यसै गरि एक अध्यक्षका प्रत्यासी सीपी भट्टले घटनाको आसंका ब्यक्त गर्दै भनेका छन् ” हिजोको घटना सदस्यता लिएका व्यक्तिहरुलाई मतदानबाट बन्चित गर्ने, नामावलीबाट क्षण क्षणमा सदस्यको नाम हटाउने, हाम्रा मतदाताहरुको नामलाई खोजी खोजि घर पाएक मतदान केन्द्रवाट टाढा टाढा पार्ने, सदस्यता लिन प्रकृयामा गएका करिब ४५० जनालाई प्रवासी नेपालीहरुलाई सदस्यता दिनबाट बंचित गर्ने, हामी भन्दा पछि सदस्यता लिन फाराम भरेकालाई आफ्ना मानिसहरुलाई रातारात सदस्यता दिने मतदान केन्द्रमा निर्वाचन आचार संहिता विपरित अनाधिकृत मानिसहरुलाई प्रबेश गराई होहल्ला गर्ने जस्ता कार्यले पनि यो चुनाव आफुहरुले हारिन्छ भन्ने मनोबिज्ञानले कतै यो घटना सुनियोजित तरिकाले घटाईएको हैन ? ”
कतिपयको मतदाता नामावलीमा एकहप्ता अगाडी सम्म नाम भएका तर हिजो भोट हाल्न जाँदा नाम नपाईएका करिब २०० मतदाताहरु निरास भएर घर फर्किए । यस्तो कस्ले र किन गर्यो ? भन्दै आक्रोशित भएका छन् |
चुनावमा अध्यक्ष पदका लागि उपाध्यक्ष खड्कबहादुर केसी, वर्तमान अन्तर्राष्ट्रिय समन्वय परिषद सदस्य व्यवसायी अनुजा प्रधान र सीपी भट्टको उम्मेद्वारि परेको थियो ।अध्यक्षको दावी गरिरहेका तीनैजना उम्मेद्वारहरु बेल्जियमका ब्यवसायी हुन् भने भट्ट अघिल्लो एनसीसीमा मनोनित कार्यसमिति सदस्य हुन् ।निर्वाचनमा हुने विभिन्न पदको लागि कुल ३६ जनाको उमेदवारी परेको थियो । केसी समूहबाट १० भन्दा बढी उम्मेदवार निर्विरोध निर्वाचित समेत भइसकेका छन् ।गैर आवासीय नेपाली संघ (एनआरएनए) बेल्जियममा यो पटक नयाँ तथा पुराना गरी २ हजार १६२ जनाले मात्र पंजिकृत सदस्यता लिएका छन् ।
निर्वाचन समितीको प्रेस बिज्ञ्यप्ती
२५ जुलाई २०२१ का दिन गैर आवासीय नेपाली संघ, बेल्जियमको आठौं राष्ट्रिय महाधिवेशन अन्र्तगतको निवाचनमा बेल्जियमस्थित ७ वटैं निर्वाचन क्षेत्रहरुहरुमा निर्धारित समय विहान ९:०० वजेदेखि दिउँसो ५:०० वजेसम्म निर्वाचन सम्पन्न भईरहेको थियो । तर अकस्मात आन्त्र्वोपेन क्षेत्रमा लगभग ४:४५ वजे विदेशी मूलका मानिसहरु हलभित्र प्रवेश गरी मतपेटिका तानेर त्यसलाई फुटाल्दै भूईँमा छरपष्ट पार्दै वुथ कव्जा गरी मत पेटिका कव्जा गर्ने प्रयास गरियो । त्यसको प्रतिकार गरी मतपेटिकालाई जोगाउनको लागि निर्वाचन स्थलमा उपस्थित एनआरएन सदस्यहरु प्रतिकार गर्न जाँदा उपस्थित दिदीबहिनी तथा दाजुभाईहरु माथि पनि सांघातिक आक्रमण भई घाईते बनाईयो ।
उक्त निर्वाचन वुथ कव्जाको शिलसिलामा आक्रमणकारी व्यक्तिहरुले एक किसिमको केमिकल प्रयोग गरी पूर्व उपाध्यक्ष शारदा अर्याल, साधारण सदस्य मुना के.सीं, यस निर्वाचनमा कोषाध्यक्षको उमेदवार रहनु भएका पुष्प नेपाल (लोकन्द्र) माथि सांघातिक आक्रमण गरी घाईते बनाइएको छ । त्यस्तै उक्त घटना घट्दै गर्दा सो निन्दनीय कार्यको विरोध गर्दै उनीहरुलाई सम्झाउन जाँदा यस निर्वाचनका निर्वाचन आयुक्त लोक प्रसाद दाहाल र वर्तमान अध्यक्ष चित्र सुवेदीलाई समेत आक्रमण गरी कुटपिट गरिएको छ ।
मतपेटिकालाई फुटाली मतपत्रहरुलाई भूँईमा छिरोली वुथ कव्जा गर्न खोजेता पनि त्यहाँ उपस्थित सचेत एनआरएनका सदस्य साथीहरुले त्यसको प्रतिकार गर्दै आन्त्र्वोपेन क्षेत्रको सवै मटपत्रहरु सुरक्षित राख्दै पुन अर्को वक्सको व्यवस्था गरी सुरक्षित राखिएको छ ।
यसै सिलसिलामा भएको यो घटना घोर निन्दनीय, अपमानजनक र अमानवीय घटनाप्रति निर्वाचन समितिको ध्यानाकार्षण भएको र उक्त घटनालाई कानूनी रुपमा नै अगाडि बढाउने र आक्रमणकारीहरुको पहिचान र उक्त घोर निन्दनीय घटनालाई संचालन गर्ने श्रोतसम्म पहिचान गरी कानुनी उपचारतर्फ जाने निर्वाचन समिति दृढ निर्णय र संकल्प रहेको छ । एनआरएन बेल्जियमका साधारण सदस्यहरुको समेत उक्त कानुनी उपचारको माग रहेको जानकारी गराँउदछौं ।
उक्त आक्रमणकारीहरुको पहिचान खोजी गर्न बेल्जियमको प्रहरी प्रशासन समक्ष उक्त घटनाको तथ्य प्रमाण र भिडियो फुेटजहरु बुझाइ सकिएको छ । साथै प्रहरी प्रशासनको प्रारम्भिक अनुसन्धानमै आक्रमणकारीहरुको पहिचान खुलिसकेको छ र श्रोत संचालक खोजीको लागि प्रहरी प्रशासनले थप समय मागेको जानकारी यहाँहरुलाई गराउन चाहन्छौं ।
उक्त घटना कै सिलसिलामा निर्वाचनमा संलग्न पक्षहरु मध्ये, एक पक्षबाट आएको विज्ञिप्ति प्रति निर्वाचन समितिको गम्भीर ध्यानकर्षण भएको जानकारी गराउँदै अवको बाटो कानुनी बाटो नै भएकोले सम्वद्ध सवैलाई कानुनी उपचार र फैसालको प्रतिक्षा गर्न आग्रह गर्दछौं । बेल्जियम स्थित समस्त मतदाता ज्युहरुले आफ्नो अमुल्य मतदान गरि दिनु भएको सबै मतदाताहरु प्रती हार्दिक धन्यवाद दिदै निर्वाचन समितिको तर्फ बाट मतपत्रहरु एन आर एन ए केन्द्रिय प्रतिनिधिहरु , एन आर एन ए प्रतिनिधि र उम्मेदवारको रोहवरमा मतपेटिका सुरक्षीत रहेको ब्यहोरा समेत यसै बिग्यप्ती द्द्यारा जानकारी गराउदछौ ।
धन्यावाद ।
अब कसरी अगाडी बडने बिषयमा आई सी सी र उम्मेद्वार हरू सॅग परामर्ष गरी जानकारी गराउने छौ
निर्वाचन सदस्य सचिव शिव कुमार वरुवाल
निर्वाचन आयुक्त लोक दहाल
क्षेत्रीय निर्वाचन सम्योजक पवन सुवेदी
