नेदरल्यान्ड्स, गैर आवासीय नेपाली संघ राष्ट्रिय समन्वय परिषद नेदरल्यान्ड्सको आगामी ९औं अधिवेशन जुलाई ११ तारिख गरिने भएतापनि विविध कारणले गर्दा जुलाई ३१ तारिख सार्नुपरेको अध्यक्ष श्रीराम कंडेलले जनाएका छन् | निर्वाचन समितिको आचारसंहितामा उम्मेदवारहरुको नियमत: रित नपुगेको कारण देखाउदै गत जुलाई ८ तारिख निर्वाचन समितिले २३ जना उम्मेदवारहरुको नामावली प्रकाशित गरेको थियो |
निर्वाचन प्रकृयालाई व्यवस्थित बनाउने सम्बन्धमा सम्वन्धित पक्षहरुलाई सुझाव प्रदान गर्न तथा उम्मेदवारहरुबीच सहमति कायम गराउदै सर्व-सहमतीय कार्यसमिति निर्माण गरि नेदरल्यान्ड्समा रहेका नेपाली समाज बीचको एकतालाई अक्षुण राख्न यहाँका समाजका अग्रजहरुबाट समेत समन्वयका प्रयासहरु हुदै आएका छन्। यसैबीच निर्वाचन समितिको जुलाई २१-२२ मा बसेको बैठकले जुलाई ६ तारिखको निर्णयले प्रभावित भएका उम्मेदवारहरु मध्ये आचार-संहिताको बुँदा नं १४ अनुसार निर्वाचनलाई पदीय दूरुपयोगको आधारमा प्रत्यक्ष प्रभावित गर्नेगरि भएको कार्य अन्तर्गत पर्ने गरि प्रस्तावक र समर्थक योग्य नभई रित नपुगेका उम्मेदवारहरु जम्मा ९ जनालाई अनुसूची १ अनुसारको भुल सुधारको निवेदन सहित फारम सच्याउन मौका दिने निर्णय भएको साथै निर्वाचन समितिले निकालेको सूचना मुताविक नभई हस्ताक्षर लगायत व्यक्तिगत विवरण अपूर्ण भएको र प्रस्तावक -समर्थक नमिलेको आधारमा “रित नपुगेका” जम्मा ७ जनालाई पनि अनुसूची २ , भूल -सुधार गर्ने निवेदन सहित स-शर्त फारम सच्याउन दिने निर्णय गर्दै सूचना सार्वजनिक गरेको थियो |
निर्णयले प्रभावित भएका उम्मेदवारहरु मध्ये आचार-संहिताको बुँदा नं १४ अनुसार निर्वाचनलाई पदीय दूरुपयोगको आधारमा प्रत्यक्ष प्रभावित गर्नेगरि भएको कार्य अन्तर्गत पर्ने गरि प्रस्तावक र समर्थक योग्य नभई रित नपुगेका उम्मेदवारहरु जम्मा ९ जनालाई अनुसूची १ अनुसारको भुल सुधारको निवेदन सहित फारम सच्याउन मौका दिने निर्णय भएको साथै निर्वाचन समितिले निकालेको सूचना मुताविक नभई हस्ताक्षर लगायत व्यक्तिगत विवरण अपूर्ण भएको र प्रस्तावक -समर्थक नमिलेको आधारमा “रित नपुगेका” जम्मा ७ जनालाई पनि अनुसूची २ , भूल -सुधार गर्ने निवेदन सहित स-शर्त फारम सच्याउन दिने निर्णय गर्दै सूचना सार्वजनिक गरेको थियो |
साथै एनआरएनए केन्द्रिय नियमावली प्रतिकुल हुनेगरी विभिन्न संस्थाको कार्यकारीमा रहेका तर समयमै राजिनामा नआएको भएमा उक्त कार्य पनि पुरा गर्न निर्बाचन समिति सबैलाई मौका प्रदान गर्ने सुचनामा भनिएको थियो । निर्वाचन समितिले जुलाई २५ तारिख उम्मेदवारहरु संग खुल्ला बहस राख्दै रित नपुगेको भए रित पुर्याउन अनुरोध गर्दै जुलाई २६ तारिख अन्तिम उम्मेदवारहरुको नामावली प्रकाशन गरेको छ | अन्तत निर्वाचन समितिले सम्पूर्ण उम्मेदवारहरुलाई निर्वाचन प्रक्रियामा जान बाटो खुल्ला गरेको छ | आगामी जुलाई ३१ तारिख हुने अधिवेशन शान्त बातावरणमा स्वक्ष निस्पक्ष हुने र पंजीकृत सदस्यहरुलाई आ-आफ्नो अमुल्य मत प्रयोग गरि सबल र सक्षम कार्यसमिति चयन गर्न निर्वाचन समितिले अनुरोध गरेको छ |
