इन्दिरा चाम्लिङ ब्रसेल्स ।
स्पेनको बार्सिलोनामा ख्यातिप्राप्त गायक राजेश पायल राईको भब्य सास्कृतिक कार्यक्रम सम्पन्न भएको छ । नेपाली जनसम्पर्क समिती स्पेनको आयोजनामा भएको नयाँ वर्ष सास्कृतिक धमाका २०८० युरोपमै एतिहासिक र भब्य रुपमा मनाईएको छ ।
कार्यक्रममा गायक राजेश पायल राईको गितमा दर्शकहरु घण्टौं सम्म उत्साहका साथ नाच्दै रमाईलो गरेका थिए। सॉझ ७ बजेबाट भरिभराउ भएको उक्त कार्यक्रम स्थल राती ०१.०० बजे सम्म पनि भरिभराउ नै थियो । हाल सम्म नेपालीहरुले कार्यक्रम गर्ने गरेको सबै भन्दा ठुलो कन्सर्टहलमा दर्शक नअटेर बाहिर भिडभाड बढेकोले स्थानिय प्रहरीलाई समेत भिडभाड ब्यबस्थापन गर्न हम्मेहम्मे परेको थियो ।
युरोपको सांगितिक टुरमा रहेका प्रख्यात गायक राईले स्पेन ,पोर्चुगल,माल्टा ,पोल्याण्ड ,फिनल्याण्ड,बेल्जियम, नर्वे, चेक रिपब्लिक लगायत देशका बिभिन्न शहरहरूमा कन्सर्ट गर्ने कार्यक्रम रहेको छ । मे महिनाको १६ तारिख बेलायतबाट नेपाल फर्के लगत्तै नायक राजेश हमालसंग अष्ट्रेलिया सांगितिक कार्यक्रममा निस्कने कुरा उनका स्वकीय सचिब कल्पनाले बताईन ।
